تغيير شعب أسهل من تغيير ريس
كتبهاروح ، في 27 أغسطس 2009 الساعة: 00:45 ص
كتبهاروح ، في 27 أغسطس 2009 الساعة: 00:45 ص
لما كنا صغيرين كان فى حاجات كتير أوى فى دنيتنا ماكناش عاملين لها حساب، كنا نسمع من أهالينا عن السياسه وأهلها واللى بيحصل ف البلد وتوابع اللى بيحصل ، وكانت الكلمه اللى مش ممكن ننساها أبدا( ياترى ياولاد انتو هاتعملوا ايه بعدنا؟ ياترى الرئيس الجديد هايبقى أحسن من الموجود؟ ياترى هايعيشوا عيشه أحسن من اللى إحنا عايشينها؟ ياترى هايكون مين؟) كل الأسئله دى كنا بنسمعها واحنا مش عارفين ليه، مكناش فاهمين هما عاوزين يوصلولنا إيه، مكناش شايفين الدنيا زى ماهى.
النهارده كل واحد فينا بيفتكر كلام أبوه والناس اللى أكبر منه ، الناس اللى بتفهم ف السياسه، الناس اللى احنا النهارده بنقرا عنهم كلام جميل وإتهامات , وسب ، ووووووو. لكن أهم سؤال إحنا عاوزين نجاوب عليه للناس اللى ماتت من غير ماتطمن على أولادها …….. ياترى مين هايكون ريسكم؟
انا عن نفسى مش هقدر أجاوب على السؤال ده ، يمكن كسوف من الواقع، يمكن خجل من ضعفنا، يمكن حياء من وضع مش مقبول ،،،،، الغريبه ان كل الموظفين فى الدنيا بيطلعوا معاش ماعدا الرئيس!!!!!! !طب ليه؟ هو الراجل ده مش برضه إنسان زينا؟ بياكل وبيشرب ، وبيتعب ، ويتعالج ، ويخف ، وأعضاء جسمه برضه بتستهلك زينا؟
طب لما هو كده ليه مفيش قانون لتحديد الفتره الزمنيه لبقاء الرئيس( بإعتباره موظف دوله) فى الحكم صحيح الراجل قدر يتغلب على الدستور ويغير فيه ويعدل الدستور …………….. لكن هل احنا مش مفروض نقول حاجه ؟ مش مفروض نعمل حاجه ؟ طب الحاجه دى ايه؟ونعملها ازاى ؟ومين اللى هايعملها ؟ هو أنا بكتب إيه وبقول إيه؟ هو الكلام اللى انا بقوله ده ممكن يتفسر على انه دعوه لتغيير الريس؟ طب ونغيره ليه؟ هو الراجل مش قايم بوظيفته على أكمل وجه؟ هو الراجل مش شايف مصلحه شعبه؟ مش بيوفرلهم الأكل والشرب والسكن؟ هو الراجل مش عامل علاقات كويسه مع الدول المجاوره؟ هو الراجل مش رافع راسنا برضه فى القضايا المعاصره واللى بتحتاج قرار حازم وسريع؟ هو الراجل برضه مش بيراضى كل الناس ومش مزعل حد منه؟ هو الراجل مطلوب منه ايه تانى أكتر من كده؟ هو احنا ليه مش بنحمد ربنا على اللقمه والهدمه؟ هو احنا ليه مش عاوزين نعترف اننا فراعنه؟ فراعنه يعنى متفرعنين؟ يعنى مابنرضاش بأى حاجه؟ مابيعجبناش العجب ولا الصيام ف رجب؟ ماهو فعلا احنا اللى وحشين،،،،،،، ماتيجوا نراجع نفسنا كده من زماااااااااااااااان أوى؟ من أيام الفراعنه وإحنا بنتضرر وبنشتكى وبنطالب بالتغيير ومش عاجبنا حاجه؟ أيام العصور الوسطى برضه كنا بنشتكى،،، عملنا مظاهرات على العثمانيين، والعباسيين، والفاطميين، وماسبناش حد ف حاله، عملنا ثوره على الملك، وقتلنا السادات، وعمالين نشتم ف الراجل اللى شايف مصالحنا.
ياناس خلونا بقى نبص لنفسنا شويه ونعالج أخطائنا إحنا.
خلونا بقى نحترم نفسينا ونغير ف نفسينا الاول.
على الأقل مفروض نفهم إن تغيير تفكير ونفوس 80مليون بنى آدم أسهل بكتير من تغيير رئيس
النهارده كل واحد فينا بيفتكر كلام أبوه والناس اللى أكبر منه ، الناس اللى بتفهم ف السياسه، الناس اللى احنا النهارده بنقرا عنهم كلام جميل وإتهامات , وسب ، ووووووو. لكن أهم سؤال إحنا عاوزين نجاوب عليه للناس اللى ماتت من غير ماتطمن على أولادها …….. ياترى مين هايكون ريسكم؟
انا عن نفسى مش هقدر أجاوب على السؤال ده ، يمكن كسوف من الواقع، يمكن خجل من ضعفنا، يمكن حياء من وضع مش مقبول ،،،،، الغريبه ان كل الموظفين فى الدنيا بيطلعوا معاش ماعدا الرئيس!!!!!! !طب ليه؟ هو الراجل ده مش برضه إنسان زينا؟ بياكل وبيشرب ، وبيتعب ، ويتعالج ، ويخف ، وأعضاء جسمه برضه بتستهلك زينا؟
طب لما هو كده ليه مفيش قانون لتحديد الفتره الزمنيه لبقاء الرئيس( بإعتباره موظف دوله) فى الحكم صحيح الراجل قدر يتغلب على الدستور ويغير فيه ويعدل الدستور …………….. لكن هل احنا مش مفروض نقول حاجه ؟ مش مفروض نعمل حاجه ؟ طب الحاجه دى ايه؟ونعملها ازاى ؟ومين اللى هايعملها ؟ هو أنا بكتب إيه وبقول إيه؟ هو الكلام اللى انا بقوله ده ممكن يتفسر على انه دعوه لتغيير الريس؟ طب ونغيره ليه؟ هو الراجل مش قايم بوظيفته على أكمل وجه؟ هو الراجل مش شايف مصلحه شعبه؟ مش بيوفرلهم الأكل والشرب والسكن؟ هو الراجل مش عامل علاقات كويسه مع الدول المجاوره؟ هو الراجل مش رافع راسنا برضه فى القضايا المعاصره واللى بتحتاج قرار حازم وسريع؟ هو الراجل برضه مش بيراضى كل الناس ومش مزعل حد منه؟ هو الراجل مطلوب منه ايه تانى أكتر من كده؟ هو احنا ليه مش بنحمد ربنا على اللقمه والهدمه؟ هو احنا ليه مش عاوزين نعترف اننا فراعنه؟ فراعنه يعنى متفرعنين؟ يعنى مابنرضاش بأى حاجه؟ مابيعجبناش العجب ولا الصيام ف رجب؟ ماهو فعلا احنا اللى وحشين،،،،،،، ماتيجوا نراجع نفسنا كده من زماااااااااااااااان أوى؟ من أيام الفراعنه وإحنا بنتضرر وبنشتكى وبنطالب بالتغيير ومش عاجبنا حاجه؟ أيام العصور الوسطى برضه كنا بنشتكى،،، عملنا مظاهرات على العثمانيين، والعباسيين، والفاطميين، وماسبناش حد ف حاله، عملنا ثوره على الملك، وقتلنا السادات، وعمالين نشتم ف الراجل اللى شايف مصالحنا.
ياناس خلونا بقى نبص لنفسنا شويه ونعالج أخطائنا إحنا.
خلونا بقى نحترم نفسينا ونغير ف نفسينا الاول.
على الأقل مفروض نفهم إن تغيير تفكير ونفوس 80مليون بنى آدم أسهل بكتير من تغيير رئيس
ليست هناك تعليقات:
إرسال تعليق