الخوف
كتبهاروح ، في 17 نوفمبر 2009 الساعة: 00:24 ص
تلك الكلمه التى تتحمل الكثير والكثر مما نعانيه نحن البشر فى حاتنا اليوميه
الخوف من رئيسى فى العمل
الخوف من مديرى الأعلى
الخوف مما تحمله لى الأيام
الخوف على لقمة العيش
الخوف على أولادى مما تحمله لهم الأيام
الخوف على أهلى من معاناة الحياة اليوميه
الخوف على أرضى من أيدى الطغاه
الخوف على بلدى من إستعمار تتعدد أشكاله وألوانه
الخوف من رصاصه لا تعرف الصدر التى هى فى طريقها لإختراقه
الخوف من عقول غسلتها عقول وأعدتها لقتل الأبرياء
الخوف من عقل واحد يتحكم فى مصير أمه
الخوف من عقل يعد عقل للتحكم فى مصير أمه
الخوف من عقول تعد عقول أخرى لتصارع على التحكم فى مصير أمه
الخوف من أن يفوز حمال مبارك فى الإنتخابات الرئاسيه القادمه ….. حتى لانكتشف أن السيد الرئيس قد كذب علينا حين قال انه لايعد إبنه للإنتخابات !!!!!
الخوف من أن يفوز جمال مبارك …. وتقوى أكثر وأكثر شوكه علاء مبارك ونعود للنكته القديمه ( الحاج حسنى أبو الأستاذ علاء شريك صاحب القهوه).
الخوف من أن يفوز إبن سيادة الرئيس ويبكى جمال عبد الناصر فى قبره على الجمهوريه
الخوف من أن يفوز إبن الرئيس ويكتشف محمد نجيب أن تضحياته كانت من أجل أن يتوارث الجمهوريه ( أل مبارك)
الخوف من أن نكتشف نحن المصريين أن السيد الرئيس كان صديقا صدوقا لكل من الملك محمد الخامس والملك حسين والرئيس حافظ الأسد رحمه الله عليهم جميعا.
ـــــــــــــــــــــــــــــــــــ
إيه ده ؟ إيه الكلام العبيط اللى أنا كاتبه ده ؟
هما ال80 مليون مصرى بتوع النهارده أحسن من الكام مليون مصرى اللى كانوا مستعبدين للفراعنه ف إيه؟
هما ال80 مليون مصرى بتوع النهارده أحسن من اللى كانوا بيوطوا للملك ف إيه؟
هما هما وهى الحكايه نفس الحكايه …. الموضوع ومافيه إن العدد زاد شويه والعتاد كمان زاد شويه ……. بس العدد ف اللمون …. والعتاد عشان يكتم نفسهم مش عشان يحميهم !!!!
طب وإيه المشكله ….. ماهم بقالهم كااااااااااااااام ألف سنه مكتوم نفسهم !!!!!!!!! يعنى هاتيجى بقى على 20،،،30 ،،،40 سنه كمان ؟؟؟؟؟؟؟؟
يااااااااااااااااااه دا انا نسيت حاجه مهمه جدا
السيد الرئيس جمال مبارك بيقولكوا يامصريين رساله مش عارف إنتوا مانتبهتوش ليها ليه….. يمكن عشان كنتوا ملبوخين ف المباراه بتاع مصر والجزائر؟
عموما …….. الراجل جاب ابنه معاه عشان يقولكوا من دلوقت …… الرئيس اللى بعدى أهو !!!!!
و اللى عنده كلمه يحطها فى …… ويسكت
ليست هناك تعليقات:
إرسال تعليق