شريان الحياه 3 كتبهاروح ، في 17 يناير 2010 الساعة: 13:53 م
سؤال : ليه يامصر ؟ ليه ياريس ؟ ليه يا أستاذ جمال ؟ ليه ياعمر موسى ؟ ركبت مع سواق تاكسى ف القاهره قالى إيه : يا أستاذ الناس بتوع شريان الحياه دول هما اللى غلطانين ، كان المفروض يعرفوا الأول الراجل ده سكته إيه … لو فلوس أهو كانوا حطوله مبلغ ف البنك …. بس لو سكته نسوان يبقى ربنا يعوض عليهم بقى ، مش هيعروفا يعدوا…..أصل إسرائيل فيها نسوان كده …………………………………. نتكلم بجد بقى الريس ليه مش عاوز يعدى الناس دى؟ وليه عامل فيهم كده؟ فى ناس هترد وتقول ماهى التكيه بتاع حضرته يعمل فيها اللى هو عاوزه !!!! فى ناس هتقول يعنى هى جت على دى ماتشوفوا عمل ايه ف وف وف وف وف وف فى ناس هتقول يعنى هى أول مره يسمع كلام أمريكا وإسرائل؟ فى ناس (زى أبو الغائط) هتقول سيادتنا على أراضينا تدينا الحق فى كل اللى بنعمله الحكايه مش حكايه سياده خالص … محدش ف الناس دى جاى من أى جهاز مخابرات من دولهم . محدش فيهم جاى يعدى مليارات لولادنا ف فلسطين. محدش فيهم عاوز مننا حاجه. محدش طالب مننا حاجه . الناس عاوزه توصل أمانه . الرحله دى لو بتعدى ف أرض أمريكا هايخلوهم يعدوا ، لكن الواضح (على رأى واحد صاحبى) إسرائيل عرفت كويس أوى سعر حسنى مبارك وبتتعامل معاه على الأساس ده …. الراجل دلوقت بقى بيعمل لإسرائيل اللى هى نفسها تخاف تعمله !!!! ———————————————
ليست هناك تعليقات:
إرسال تعليق