ناس كلامها عجب
إيه رأيكم ندخل فى الموضوع علاطول من غير مقدمات
انا النهارده بكتب ومتعمد إنى اكتب( عامل زى اللى جواه حاجه وعاوز يطلعها بأى شكل , يمكن عشان لو طلعت هايرتاح)
عاوز اتكلم عن العقول ……….. آآآآه العقول
زمان (ولسه برضه فى الوقت الحالى ) دايما بنسمع كلمه من الناس الكبيره (سنا يعنى) الكلمه دى ( ربنا لما وزع الأرزاق كل الناس اشتكت لكن لما وزع العقول ,كل واحد مبسوووووووط أووووووووى بنصيبه) عاجبه عقله اوى , ومفيش حد فى الدنيا كلها زيه .
طب انا عاوز اقول ايه بقى اذا كان من الاساس انا عارف ان كل واحد مبسوط بعقله وشايف ان مفيش حد زيه؟
انا والله معنديش اى اعتراض على الكلام ده , لكن هل الكلام ه صحيح؟
عقلى احسن من عقل غيرى؟
ماأظنش
ربنا خلقنا درجات فى كل شيئ
فى تفكير افضل من تفكير , فى ناس بتعرف تدور حياتها صح ( طبعا هانختلف فى تفسير كلمه الصح والخطأ)
, بس عشان مانروحش بعيد من بعض انا هاقولكم من وجهه نظرى ايه هو الصح من الغلط
الصح هو اللى احنا بنعمله قدام الناس ومانخبيهوش ومانخافش لو حد عرف اننا بنعمله
والغلط هو اى حاجه نخاف واحنا بنعملها ونخاف لو حد عرف اننا عملناها او بنعملها
يمكن اكون مفروس من حد ومش عارف اقوله انى مفروس منه عشان كده قلت اطلع قهرى فى الكتابه ؟
يمكن اكون زعلان من حد وبرضه مش عارف اقوله انى زعلان ؟
يمكن يكون الحد ده هو انا ؟
يمكن يكون س من الناس
او ص حتى!!!!!!!!!!!!!!!!!!!!
آآآآآآآآآآه بس انا لقيت السبب اللى خلانى اكتب النهارده………..
قريت خبر ف جريده قديمه اوى ( مع ان الخبر اتكرر بعد كده كتييييييييييييير) بس الخبر زعلنى اوى
الخبر بيقول : إتنين إصحاب , رجاله كبار يعنى , وإصحاب أوى الاول دكتور والتانى صاحب قهوه
الدكتور كان قاعد على القهوه مستنى صاحبه على ماييجى , الصبى اللى بيشتغل فى القهوه غلط فى الدكتور …………
تفتكروا الدكتور عمل ايييييييييييييييييييييييييييييييييه؟؟؟؟؟؟؟؟؟؟؟؟
قتل صاحب القهوه
لايتبع …. وليس له بقيه
ليست هناك تعليقات:
إرسال تعليق