صرخه

كتبهاروح ، في 22 مايو 2012 الساعة: 20:39 م

ليتها كانت صرخة ألم
فمن يصرخ ألمآ إنما يكون لازال باقيا على ملكات الحس فيه ,
وأنا فقدت كل ملكات الحس .
ليتنى حتى أستطيع الصراخ, فممنوع علىً الصراخ ,
ممنوع عليً حتى اللآه , ممنوع أن أنطق ببنت شفه ,
أن أبكى , أن أتذمر مما يدور حولى …ويمسنى بكل الأشكال .
ليتنى كنت غير ماأنا , ليتنى كنت غبيآ و حتى لا أشعر بما أنا فيه ,
وربما أقول : ليتنى ماكنت .
ــــــــــــــــــــــــــــــــــــــــــــــــــــــــــــــــــــــــــ

زمان قالتلى إنى كل الدنيا
أنا طفلها , إبنها , أبوها, عمها كمان
والغريبه إنى كنت مصدق
النهارده قالتلى إنى  كنت عبيط
والغريبه برضه إنى مصدق
ـــــــــــــــــــــــــــــــــــــــــــــــــــــــــــــــــ
لا دموع للرجال
ولا شق للجيوب
ولا لطم
ولا عويل
بالله عليكم أخبرونى
كيف أقول أننى فقدت حياتى؟
ـــــــــــــــــــــــــــــــــــــــــــــــــــــــــــــــــــ
كنا عيله كبيره
وبقينا أفراد صغيرين
ـــــــــــــــــــــــــــــــــــــــــــــــــــــــــــــــــــ
بلادى لها كل حبى وتقديرى
وكل العشق والوله
حتى
وإن رأيتها على فراش يتناوب عليه كل المرشحين للرئاسه
ـــــــــــــــــــــــــــــــــــــــــــــــــــــــــــــــــــ
لما قلتلها أنا غلطان قالتلى : إنت غلطت كتير
قلتلها سامحينى ……. بعد تفكير قالتلى : طيب
قلتلها بحبك
قالتلى : نعم ياروح أمك !!!!!!! إنت فاكرنى عبيطه
دا انا كنت بضحك عليك وأمرمطك شويه 
ــــــــــــــــــــــــــــــــــــــــــــــــــــــــــــــــــــــــــ
فى إحصائيه سريعه :
مصر دخللها سلاح فى الفتره التى تلت الثوره وحتى الآن
أكتر من اللى تم تهريبه لغزه  من الأنفاق التى تغلقها إسرائيل منذ 50 عام!!!!!!!!!
ــــــــــــــــــــــــــــــــــــــــــــــــــــــــــــــــــــــــــ
فى إحصائيه  راكبه إكسبريس
أنا دخللى (((( حاجات )))) فى الكام شهر اللى فاتوا
أكتر من اللى دخل فى السنين الكتييييييييير اللى عدت
ملحوظه :
كل واحد يفسر ((((حاجات دى )))) بمزاجه وعلى هواه وكما يراها
ـــــــــــــــــــــــــــــــــــــــــــــــــــــــــــــــــــــــــــــ